Святкуем Дзень роднай мовы не на словах, а на справе!

Сёння ў Ліцэі імя Ф.Э. Дзяржынскага БДУ зранку кожнага чакала сапраўднае свята — інтэрактыўная лакацыя, прысвечаная нашай дарагой беларускай мове!

Што было? Усё, каб адчуць мову на густ, дотык, зрок і розум:

Скласці пазл са словам і вобразам — каб пабачыць, як мова малюе свет.
Адказаць на пытанні віктарыны — праверыць веды і даведацца новага.
Пазнаёміцца з цікавымі фактамі — аказалася, наша мова поўная сюрпрызаў!
Дэгуставаць самапечаны хлеб і паляндвіцу — таму што родная мова пахне хатнім цяплом.
Выцягнуць пажаданне сабе на дзень — маленькі пазітыўны настрой ад арганізатараў.

Дзякуй усім, хто далучыўся, і настаўнікам і вучням-арганізатарам!