Святочная праграма да Дня абаронцаў Айчыны і Узброеных Сіл Рэспублікі Беларусь прайшла сёння ў Ліцэі БДУ!

З віншавальным словам выступіла дырэктар Ліцэя БДУ Таццяна Паўлаўна Мамчыц.

Выкладчыкі, якія прайшлі тэрміновую службу ў арміі, прадзяліліся сваімі ўспамінамі і яркімі ўражаннямі армейскіх часоў.

Творчая група ліцэя падрыхтавала музычна-паэтычную імпрэзу ў падарунак прысутным.

Кульмінацыяй свята стала спаборніцтва па стральбе з пнеўматычнай вінтоўкі; пераможцы атрымалі памятныя падарункі.

.

Яшчэ раз жадаем усім цвёрда верыць у свае сілы, з лёгкасцю пераадольваць любыя цяжкасці і мець дастаткова рэсурсаў для ажыццяўлення сваіх планаў. Мірнага неба над галавой, сяброўскай атмасферы ў калектыве, сямейнага дабрабыту і душэўнага спакою! Жадаем заўсёды быць пераможцамі ў любых баталіях!